İpoteka krediti ilə alınmış mənzili sata bilərəmmi?

İpoteka ilə yüklü olan mənzilin satışı mümkündür, lakin bankın yazılı razılığı olmadan bu prosesi rəsmiləşdirmək çətin olacaq. Çünki reyestrdə ipoteka qeydi var və alıcı bu qeydin silinməsinə əmin olmaq istəyir. Adətən, satdığınız məbləğin bir hissəsi ipoteka borcunu tam bağlamağa yönləndirilir, qalan məbləğ sizə qalır. Bankla razılaşıb alıcı ilə üçtərəfli müqavilə bağlamaqla daha təminatlı şəkildə proses gerçəkləşir. Yəni ilkin borc ödənilir, bank ipoteka qeydini silir, sonra mülkiyyət keçidi rəsmiləşir.